Cultura

Baiona volve mañá aos oitenta

Gabinete de Prensa 9 Xullo, 2021

A península de Santa Marta acolle mañá sábado, 10 de xullo, o I Festival “A Recta”, toda unha homenaxe á época dourada da Movida baionesa.

Máis de seis horas de música, desde as 18:30 até a 1:00 A.M aproximadamente, transaladarán a todas as persoas que se acheguen a gozar das música ochentera. Unha alternativa de lecer segura xa que o aforamento estará supervisado con control de presenza. Unha ferramenta que permitirá mostrar o aforamento en tempo real.

O festival gratuíto, organizado polo Concello de Baiona, e que forma parte da axenda cultural Baiverán 2021 organizada desde a Concellaría de Cultura, ofrece un nutrido cartel con bandas que marcaron a época da movida no panorama español.

Os encargados de pór os primeiros acordes serán “Los Limones” que darán o pistoletazo de saída ao festival ás 18:30h e durante unha hora trasladarán aos alí presentes aos míticos oitentas. Entre actuación e actuación intercalaráse, aproximadamente durante media hora, cos sons da mesa de mesturas dun Dj ochentero. Ás 20:00h Trogloditas subirá ao escenario para interpretar as súas míticas letras. Ás 21:15 volverá o Dj. O bloque forte do festival comezará ás 21:45 coas actuacións de “El Norte”, “Tenesse”, “The refrescos”e “O Capitán Inhumano”. O PopTour oitenta estenderase até as 00:15h e o punto e final ao festival porao o Dj cos últimos ritmos da mítica movida para finalizar ás 01:00h.

“Si te acuerdas de los 80 es que no los viviste”. Esta frase de Loquillo mide os graos de implicación na década en que España se fixo moderna e deixou o mito da ‘movida’ asociado a un tempo. A ‘movida’ foi principalmente Madrid. Tamén o foi Vigo e Baiona era unha das principais paradas da movida viguesa.

“A idea é levar a cabo un Festival para Baiona, que se consolide no tempo e que recolla a varias xeracións, música sen data de caducidade que nos traslade a “calquera tempo pasado foi mellor. Concertos e gastronomía que faga lembrar aos que a viviron e ensinen aos que non tiveron a oportunidade de facelo. Queremos converter Baiona nun referente da época dourada do Pop español”, sinala a concelleira de cultura, Miriam Costas.

Pola súa banda o Alcalde, Carlos Gómez, destaca que “Nesta primeira edición queremos involucrar a diferentes sectores, como a hostalaría de Baiona e por suposto aos veciños e veciñas a través do propio Concello. É un festival que nace con afán de chegar a consolidarse no panorama musical, para iso, nesta primeira edición será o Concello quen patrocinará todo o evento para ofrecelo en formato gratuito. É unha oportunidade única de reinvindicar a historia da movida baionesa. Tamén un recoñecemento a todo os empresarios e empresarias que apostaron por esta zona de Baiona e que co seu traballo e esforzo conseguiron situar a localidade en parada obrigatoria da ruta da famosa movida ochentera”.

Nun primeiro momento a empresa encargada da produción tiña outro nome para o festival pero foi o propio rexedor quen tivo a idea de vincular o festival ochentero con “a recta” e “a súa movida” e con todos aqueles empresarios e empresarias que puxeron a Baiona no mapa da movida viguesa.

O espazo escollido o evento non podería ser outro que a península se Santa Marta, enclave ideal para contextualizar os anos 80 baioneses, posto que é a entrada á Recta de Baiona.