Baiona recibe ao alumnado do Instituto Lycée du Pays de Retz de Pornic de intercambio na Vila, unha experiencia enmarcada nos actos do “25 aniversario Irmandamento de Baiona con Pornic”

Baiona e a localidade francesa de Pornic dan un paso máis para reforzar os seus lazos cun intercambio entre alumnado de ambas as vilas. Alumnado do I.E.S Primeiro de Marzo acaban de chegar dun intercambio na Vila irmá de Pornic. Os estudantes conviviron durante unha semana, do 4 de outubro ao 10, con familias do alumnado do Lycée du Pays de Retz de Pornic. Os baioneses, de entre 16 e 17 anos, estudantes de francés de 4º da E.S.O. e de 1º de Bacharelato bacharelato, acudiron acompañados da profesora de francés, Sofía Montes Vázquez.

O Alcalde de Baiona, Carlos Gómez Prado, recibiu esta mána no Concello a un grupo de estudantes do del Lycée du Pays de Retz de Pornic acompañados polo estudantado baionés. Unha visitamáis especial, se cabe, pois a visita a Baiona está enmarcada nos actos organizados polo Concello de Baiona con motivo do “25 aniversario Irmandamento de Baiona con Pornic”.

O rexedor deu a benvida aos mozos e mozas resaltando “a importancia destes proxectos internacionais, xa que aparte de servir para que se coñeza Baiona no exterior, neste caso en Pornic, serven para afianzar os lazos entre ambos os lugares irmáns, moi unidos desde o irmandamento no ano 1997”.

Os mozos e mozas atópanse de acollida nas residencias do estudantado baionés que foi de intercambio a Pornic hai uns días. Chegaron á vila de Baiona onte e durante toda a semana percorrerán diferentes zonas do noso municpio e realizarán distintas actividades.

Logo da recepción na casa do concello de Baiona, o estudantado fixo un interesante percorrido pola Vila donde coñeceu a Capela de Santa Liberata e a Igrexa da Ex-Colegiata de Baiona e a súa historia da man de Avelino Sierra que fixo de guía.

O programa de intercambio foi impulsado e fomentado polo Concello de Baiona que colaborou co instituto baionés para que os estudantes viaxasen ata a localidade irmá.

O Alcalde de Baiona comenta que: “Entendemos que o éxito dos irmandamentos fanos as persoas e por iso, ambos os pobos, fixemos especial fincapé en implicar á veciñanza no proxecto. Por iso, neste 25 aniversario queremos sentar as bases do futuro deste bonito irmandamento. Un irmandamento debe levar consigo un afán por compartir, intercambiar, apoiar, e como non, desenvolver actividades de forma conxunta para que a cidadanía teñan oportunidades de establecer eses vínculos que, con intercambios como este, conseguimos estreitar entre os veciños e veciñas de Baiona e os de Pornic”.

Realizado por: Marta González Pérez
Responsable de Prensa
Email: gabinetedeprensa@baiona.gal