As persoas participantes do Proxecto Vincúlate do Concello de Baiona organizan unha recollida solidaria de produtos para a protectora de animais “Os Palleiros”.

As persoas participantes do Proxecto Vincúlate do Concello de Baiona organizan unha recollida solidaria de produtos para a protectora de animais “Os Palleiros”.

O próximo 23 de xuño os participantes visitarán as instalacións desta protectora e idearon unha campaña solidaria de recollida de produtos que a asociación precisa para atender aos animais.

Así, os cidadáns e cidadás que queiran colaborar coa campaña poden facelo facilmente. As persoas interesadas poderán deixar os produtos nas instalacións do Pavillón Municipal de Deportes en horario de: luns-venres: 09:00-14:00/16:00-23:00 e os sábados e domingos, de 09:00-14:00/16:00-21:00.

Entre os produtos que se poden doar figuran: pensos de todos os tipos( cachorros, específicos, normal…), salchichas, lixivia e desinfectantes, kongs ou xoguetes duradeiros. Tamén premios e snacks para cans, transportines, casetas, correas, arneses, colares…estes últimos produtos poden ser utensilios usadas en bo estado de conservación. Non se aceptan doazóns económicas.

A campaña de recollida arrinca hoxe e finalizará o vindeiro martes 22 de xuño.

Realizado por: Marta González Pérez
Técnica de Comunicación
Email: gabinetedeprensa@baiona.gal