Talleres de Primerios Auxilios para participantes e cans do Proxecto “Vincúlate”

AVPC Val Miñor impartiu un taller de primeiros auxilios ás persoas participantes do proxecto. Mentres que a clínica veterinaria, impartiu un taller de primeiros auxilios no que os protagonistas foron os animais que forman parte deste bonito proxecto.

O Proxecto Vincúlate, no que participan mozas e mozos de entre 4 e 18 anos, ten a súa base na terapia con cans que foron abandonados. Unha terapia onde a súa fórmula e obxectivo busca aumentar a súa confianza e axudar a mellorar as súas capacidades sociais e de comunicación.

O proxecto propón que apadriñen a un can, adéstreno e acompáñeno no proceso de acollida ou adopción por unha familia e durante este camiño, en paralelo e mediante o desenvolvemento dun programa de actividades, os menores traballen a súa intelixencia e comunicación emocional.

Todo iso a través de “ADA”, entidade destinada ás intervencións asistidas con animais e a mellora da calidade de vida das persoas a través da súa relación coa contorna natural.

A función de Protección Civil Val Miñor, foi achegar os Primeiros Auxilios aos participantes do Proxecto Vínculate. Dividíronse en tres grupos de idade para o exercicio, de 4 a 7 anos, de 10 a 13 e de 14 a 18 anos, desta forma puidemos adaptar cada formación ao seu rango de idade.

Ademais, entre grupo e grupo, dúas veterinarias da Clínica Veterinaria “Los Tendales” mostraron tanto aos participantes como aos voluntarios de AVPC Val Miñor primeiros auxilios que se poden chegar a realizar ás nosas mascotas en caso de ser necesario. Unha práctica moi interesante que pode chegar a salvar a vida ao noso mellor amigo.

Desde o Concello de Baiona quérese agradecer tanto a Protección Civil Val Miñor e a Clínica Veterinaria “Los Tendales” a súa colaboración e aposta por este proxecto, xa que ofreceu unha actividade moi interesante ás persoas participantes do proxecto.

Realizado por: Marta González Pérez
Responsable de Prensa
Email: gabinetedeprensa@baiona.gal