Baiona pon en marcha unha campaña de promoción do comercio local en Nadal e repartirá máis de 10.000 euros en premios

O Alcalde de Baiona, Carlos Gómez Prado, presentou este venres xunto a Asociación de Comerciantes e Empresario de Baiona (ACEBA) a campaña de promoción do comercio local “Este Nadal, Non te Distancies do Comercio Local de Baiona” que terá lugar no municipio desde o día 4 de diciembre de 2020 até o 10 de xaneiro de 2021. Con esta iniciativa repartiranse 10,000 euros en premios entre os veciños e veciñas que compren entre os preto do centenar de establecementos adheridos á campaña municipal.

Esta campaña organizada polo Concello de Baiona e a Asociación de Empresarios e Comerciantes (ACEBA), porá en circulación entre os establecementos participantes, 20.500 rascas dos cales 650 deles teñen premios para que as clientas e clientes agraciados os empreguen a hora de comprar nos comercios locais y de hostalería adheridos a iniciativa. En total repartiranse en premios 10,000 euros. Todos os establecementos adheridos á esta campaña procederán á entrega dun cupón por compras superiores a 20 € até un máximo de 4 cupóns por compra.

Estes vales poderán ser trocados polo cliente en calquera momento da campaña, desde o seu inicio, e até o 31 de xaneiro de 2021. Despois desta data, os premios que non foran trocados serán destinados á Concellaría de Benestar Social do Concello para destinar a fins sociais no municipio. Os tíckets terán a opción de marcar directamente o recuadro de Benestar Social para que o premio sexa destinado directamente.

“Os comercios de Baiona son un dos motores da economía do noso pobo. Ademais, a proximidade e o trato familiar que ofrecen aos veciños e veciñas, xunto á creación de riqueza, emprego e a fixación de poboación, incrementan o seu valor. Para limitar o impacto que a pandemia de coronavirus tivo sobre elas, o Concello de Baiona xunto con ACEBA, desenvolveu unha campaña de impulso ao comercio local animando a comprar nestes establecementos habituais, destacando fundamentalmente, esa confianza e proximidade que achegan. Os nosos comerciantes como moitos sectores están a pasar momentos moi complicados e facer as nosas compras nestes establecementos é apostar pola riqueza e o emprego de Baiona”, sinalou o Alcalde.

“Puxemos en marcha a campaña municipal máis potente até o momento porque somos conscientes de que a situación é especialmente dura para os pequenos negocios. Esta campaña é un importante impulso e unha posta en valor do comercio e das empresas locais, non só polo beneficio económico que xerará, senón tamén pola solidariedade e colaboración de todas as empresas vinculadas ao municipio con este concello para a realización desta campaña”. O Alcalde quixo ter unha mención especial de agradecemento para ACEBA quen organiza esta pioneira campaña xunto coa administración local e que se envorcou desde o primeiro momento que o concello fíxolle chegar a iniciativa.

Na presentación da campaña de apoio ao comercio local de cara ás compras do Nadal das próximas semanas o Alcalde, sinalou que o obxectivo é “fomentar que os baioneses e baionesas realicen as súas compras nos nosos comercios apostando polo comercio de proximidade”.Gómez Prado indicou que esta campaña pretende “que a cidadanía valore o trato de persoal e de proximidade que se ofrece no comercio local, nas tendas dos nosos barrios e co que ademais se enche de vida o municipio nestas datas tan sinaladas”.

O primeiro edil animou aos veciños e veciñas e visitantes a “comprar os agasallos deste nadal nas tendas de Baiona e á vez gozar dun café ou un refresco nos nosos establecementos hostaleiros cumprindo coas medidas de seguridade que marcan as autoridades sanitarias”.

Desde o Consistorio tamén se deseñou unha ampla programación de actividades de Nadal. O BaiNadal que tamén axudará a dinamizar as rúas da vila xunto coa iluminación do Nadal que se acenderá ás 19:00h.

Realizado por: Marta González Pérez
Técnica de Comunicación
Email: gabinetedeprensa@baiona.gal