Baiona homenaxea a Xela Arias
Gabinete de Prensa
13 Maio, 2021
O xardín do Arquivo Histórico e Biblioteca Pública Municipal de Baiona, o vindeiro luns 17, é o lugar elixido para desenvolver un concerto homenaxe do Día das Letras Galegas que, neste ano 2021, dedícase á tradutora e poetisa Xela Arias.
A actividade, organizada pola concellería de Cultura, busca divulgar a figura desta persoa tan importante para as nosas letras. Así, o luns ás 12:30 h, “ Xardín desordenado” renderá homenaxe a Xela Arias cun concerto especial no que poñerá música ás súas letras.
En caso de choiva a actividade trasladarase ao Auditorio V Centenario.
“Como é tradicional, dedicamos unha xornada á persoa homenaxeada pola Real Academia Galega cada ano, neste caso Xela Arias. Unha figura que debemos poñer en valor por todo o que achegou ás nosas cultura”, destaca o Alcalde Carlos Gómez Prado.
Realizado por: Marta González Pérez
Técnica de Comunicación
Email: gabinetedeprensa@baiona.gal
