O Concello de Baiona, a través da Concellería de Turismo, vai lanzar o vindeiro sábado 4 de marzo coincidindo coa celebración da Festa da Arribada 2023, unha nova campaña de promoción turística dixital que incorpora como principal novidade circuítos virtuais en directo pola XXVII celebración da Festa de Interese Turístico Internacional baionesa. 

Utilizando como principal ferramenta o márketing virtual en vivo con visitas virtuais en directo, con esta iniciativa preténdese atraer á Real Villa novos viaxeiros internacionais e tamén nacionais coa finalidade de que logo visiten presencialmente o destino.

A inserción promocional de Baiona e da súa festa por excelencia “A Arribada” como destino turístico na plataforma dixital Heygo, coñecida como o “Twitch de viaxes”, ofrecerá dous circuítos ou viaxes virtuais en directo a cidadáns de todo o mundo: 

Así, desde esta plataforma (Heygo) ou a través da seguinte ligazón: https://www.eatandwalkabout.com/en/spain/galicia/baiona

Sábado 19:30h.

Domingo 15:00h.

Todas aquelas persoas interesadas en coñecer de primeira man a Festa de Interese Turístico Internacional poderán conectarse de forma gratuíta en directo o vindeiro sábado 4 de marzo ás 19:30h desde a comodidade da súa casa a través dunha conexión a internet e gozar da emisión de parte da representación teatral, dos pasacalles e das diversas actividades que ofrece a nutrida programación da Arribada. O outro pase en directo será o domingo 5 de marzo coa visita en vivo á gran protagonista da celebración, a Carabela Pinta, para despois facer un percorrido polo mercado medieval: postos de artesanía e , sobre todo, gastronomía, para vender os nosos produtos locais máis aló das nosas fronteiras.

Os circuítos virtuais teñen unha duración de 90 minutos aproximadamente. Durante o circuíto pódese interactuar en directo cos viaxeiros por un chat a tempo real. Eles escriben preguntas e o guía a pé de rúa pódeas ver na pantalla do móbil e contestar en directo, falando e interactuando co público.