ANTE AS ESCASAS PRECIPITACIÓNS O CONCELLO DE BAIONA RESTRINXE O USO DA AUGA E PIDE A COLABORACIÓN CIDADÁ

Gabinete de Prensa 6 Xullo, 2026

A ocupación do encoro de Baíña atópase no 63,03% fronte ao 85,43% do ano 2025 (un 22,40% menos)

Ante tal circunstancia, a administración local viuse obrigada a tomar unha serie de medidas recollidas nun bando municipal, xa que o abastecemento domiciliario de auga constitúe un servizo público esencial, sendo prioritario asegurar a dispoñibilidade deste recurso para o consumo humano e os usos sanitarios.

A persistencia da escaseza de precipitacións e a diminución das reservas hídricas fan necesario adoptar medidas de carácter extraordinario co obxecto de garantir o abastecemento de auga potable á poboación do Concello de Baiona, e por isto que: Acórdase a adopción das seguintes medidas de obrigado cumprimento, que permanecerán vixentes desde a publicación do devandito Bando e ata que as condicións de abastecemento permítano.

QUEDA PROHIBIDO EMPREGAR AUGA PROCEDENTE DA REDE MUNICIPAL PARA Os SEGUINTES USOS:

1. A rega de xardíns, céspedes, hortas, zonas verdes, fincas e demais espazos exteriores, tanto públicos como privados.

2. A enchida inicial ou reposición de auga de piscinas particulares, desmontables ou permanentes.

3. O lavado de vehículos particulares.

4. A limpeza mediante baldeo das rúas, beirarrúas, patios, terrazas, fachadas, muros, garaxes ou calquera outro espazo exterior.

5. O funcionamento de fontes ornamentais, elementos decorativos ou similares que empreguen auga potable, salvo aqueles que dispoñan de circuíto pechado de recirculación.

6. Calquera outro uso recreativo, ornamental ou non esencial que implique un consumo innecesario de auga potable.

Recoméndase á veciñanza:

-Reparar con carácter inmediato as fugas existentes nas instalacións particulares.

-Reducir o tempo de utilización de duchas e billas.

-Utilizar os electrodomésticos consumidores de auga unicamente a plena carga.

-Evitar calquera consumo innecesario de auga potable.

O alcalde de Baiona, Jesús Vázquez Almuiña, sinala que: “O Concello de Baiona agradece a colaboración da veciñanza, lembrando que o uso responsable da auga constitúe unha responsabilidade colectiva imprescindible para garantir un abastecemento suficiente para toda a poboación”.

Así mesmo, Almuiña informa de que “tamén se van a levar medidas restritivas por parte do concello como o non funcionamento das duchas nin os lavapiés das praias. En canto á limpeza viaria municipal e a rega, farase sen auga procedente da rede de abastecemento”