COVID-19

Novas medidas para intentar mitigar o incremento dos contaxios desta sexta onda COVID

Gabinete de Prensa 29 Decembro, 2021

O Concello de Baiona informa:

A Xunta de Galicia, seguindo os consellos do seu Comité Clínico, ten adoptado novas medidas para intentar mitigar o incremento dos contaxios desta sexta onda.

En consecuencia, a Xunta toma varias medidas que estarán vixentes entre a noite do 30 de decembro e o día 18 de xaneiro:

– O adianto do peche da hostelería e restauración ás 00:00h agás venres e sábados, que será á 01:00h.
– O adianto do peche do ocio nocturno, que será ás 03:00h.
– O establecemento dunha restrición de reunións de grupos de non convivintes na vía pública entre o horario de peche do ocio nocturno e as 06:00h.
– A obrigatoriedade de presentar certificado COVID para entrar na hostelería durante todo o día (ata o de agora era só desde as 21h).
– A redución dos grupos permitidos en mesas de hostelería no exterior, pasando dun máximo de 15 persoas a un máximo de 10.
– Evitar eventos musicais masivos con público de pé. Deben realizarse con público sentado e coa distancia de seguridade.

Faise unha excepción na noite do 31 de decembro, na que a restauración poderá pechar á 01:00h. Ningún local de hostelería poderá abrir o día 1 antes das 10:00h, para evitar que se intentasen trasladar as festas aos domicilios no lapso entre o peche do ocio nocturno e unha posible apertura temprana de locais de hostalería.

Mantéñense as recomendacións para reunións familiares: dúas unidades familiares como máximo, a poder ser as mesmas nas distintas datas do Nadal, con medidas de ventilación e con estrito cumprimento do uso de máscara agás nos momentos de comer e beber.