CulturaTurismo

A Semana Santa volve ás rúas de Baiona

Gabinete de Prensa 13 Abril, 2022

Tras dous anos de parón obrigado pola aparición do coronavirus e as restricións determinadas polas autoridades sanitarias volven as procesións e as actividades durante estas datas crave para os veciños e veciñas de Baiona e para as persoas que se achegan a gozar da Semana Santa da Vila.

As procesións da Semana Santa, que comezaron o domingo, Día de Ramos, coa tradicional bendición de Ramos e Palmas na Iglesia Conventual das Nais Dominicas (12:00 horas), para seguir coa procesión cara á Igrexa Parroquial. A localidade recuperou o programa de actos e cultos organizado pola Irmandade da Santa Casa de Paz e Misericordia e a Parroquia de Santa María de Baiona, coa colaboración do Concello de Baiona e ACEBA (Asociación de Comerciantes e Empresarios de Baiona.

Seguindo coa programación o Xoves 14, Xoves Santo, ás 11.00 horas terá lugar a meditación na Igrexa parroquial.

Ás 16.00 horas oficiarase a santa misa da institución da eucaristía na igrexa conventual das Nais Dominicas e ás 18.00 horas na igrexa parroquial.

Ás 20.00 horas comezará a solemne procesión dos Pasos, desde a capela da Misericordia, organizada pola Irmandade da Santa Casa de Paz e Misericordia, acompañada da Banda de Música Municipal de Baiona.

Na praza do Concello levará a cabo a oración ao Cristo dos Pasos.

Ás 23.00 horas, as persoas devotas poderán acudir á igrexa parroquial á celebración da Hora Santa, seguida da Vixilia Extraordinaria da Adoración Nocturna.

Venres 15, Venres Santo, comeza o día ás 10.00 horas coa celebración do Vía Crucis na igrexa parroquial.

Ás 16.00 horas terá lugar a celebración da Paixón do Señor e a adoración da Cruz na igrexa conventual das Nais Dominicas, santos oficios que se repetirán a partir das 18.00 horas no templo parroquial.

Ás 20.00 horas sairá a procesión do Santo Enterro acompañada da Banda de Música Municipal de Baiona.

Ás 23.00 horas comezará a procesión da Soidade desde a igrexa parroquial, só para mulleres.

Sábado 16, Sábado Santo, ás 10.00 horas terá lugar, na igrexa parroquial, o Vía Crucis. Ás 20.00 horas terá lugar a Vixilia Pascual na igrexa conventual das Nais Dominicas e ás 22.00 horas a solemne Vixilia Pascual na igrexa parroquial.

Domingo 17, Domingo de Pascua, nesta xornada oficiaranse misas en horario de costume: Ás 9:00 h no Convento e ás 10:00; 12:30 e 19:00 horas na Colexiata.