A biblioteca municipal de Baiona premia aos lectores máis activos

O alcalde de Baiona, Jesús Vázquez Almuiña, e o concelleiro de Cultura, Policarpo Vilar Misa, fixeron entrega dun lote de libros en recoñecemento a cada un dos lectores e lectoras máis activos no ano 2024, nas súas distintas categorías. Ademais, cada un deles pasa a ser socio de honra en cada un das categorías.

Na categoría de infantil (de 0 a 13 anos), Breixo Rodríguez do Caño (120 préstamos). Na categoría de adulto (de 14 a 18 anos) Leo Cabral Lenda (103 prestamos) e na categoría de adulto a partir dos 18 anos Ricardo Blach Rodríguez (98 préstamos).

O alcalde de Baiona, Jesús Vázquez Almuiña, sinala as distintas iniciativas que desde a concellaría de Cultura a través da Biblioteca Municipal, levan a cabo co obxectivo de fomentar os hábitos de lectura dirixida a todas as idades. E proba diso, sinalou, a entrega destes recoñecementos aos “grandes lectores de Baiona”.

A Biblioteca Municipal de Baiona recoñeceu aos lectores e lectoras máis asiduos, atendendo aos datos que rexistraron os seus arquivos estadísticos nun acto para conmemorar o Día das Bibliotecas.

Tras o acto de entrega e tamén con motivo deste día especial os máis pequenos puideron gozar dun bonito contacontos. Caxoto foi o encargado de ofrecer unha función chea de animais, pequenas historias e cancións para recrear o día a día na granxa de Xan.

Hoxe ás 18:00h e para menores a partir de 3 anos, Juan Juste narrará e interpretase “Non hai cousas de neno e cousas de nena, só de persoas”. Trátase de contos para educar na igualdade e na diversidade. O eixo central das historias é a fada Menta, personaxe do Libro das emocións para nenas e nenos, da autora Gemma Lienas, quen autorizou á nosa compañía para
representar os seus contos en Galicia. As técnicas utilizadas para a representación son os desplegables Pop-Up e o teatro de papel.

A concellaría de Cultura, a través do Arquivo Histórico e Biblioteca Pública Municipal, ofrece estes contacontos infantís a través do programa de dinamización da lectura “Ler conta Moito”.

Realizado por: Marta González Pérez
Responsable de Prensa
Email: gabinetedeprensa@baiona.gal