A ESCOLA DE MÚSICA MUNICIPAL DE BAIONA ORGANIZA CLASES GRATUÍTAS PARA NOVOS ALUMNOS

Despois de máis de 25 anos de experiencia no campo do ensino musical, a Concellería de Cultura, a través da Escola de Música Municipal de Baiona, cuxa función sempre foi o brindar un ensino de calidade en todas e cada unha das materias impartidas, pon ao dispor dos interesados-as unha nova iniciativa co fin de dar a coñecer o gran abanico de actividades e opcións instrumentais que estamos seguros encantaravos.

En efecto, a iniciativa en cuestión vai destinada a nenos desde os 4 anos e por suposto a adultos sen límite de idade. Os máis novos (4 e 5 anos), gozarán dunha clase gratuíta onde o obxectivo é sen dúbida “aprender xogando”.

A partir dos 6 anos poderase asistir a unha clase (igualmente gratuíta) de FRAUTA TRAVESERA, TROMPETA, TROMBÓN, CORO, BATUCADA, cuxos días e horario especifícanse a continuación:

MÚSICA E MOVEMENTO (para nenos-as de 4 anos) LUNS 2 DE DECEMBRO DE 17:45 – 18.30

MÚSICA E MOVEMENTO (para nenos-as de 5 anos) MÉRCORES 4 DE DECEMBRO DE 17:45-18.30

BATUCADA (para nenos-as a partir dos 10 anos e sen límite de idade) LUNS 2 DE DECEMBRO DE 18:30 A 19:30

TROMPETA E TROMBÓN (desde os 6 anos) MARTES 3 DE DECEMBRO DE 16 A 17 H

CORO (desde os 6 anos) MÉRCORES 4 DE DECEMBRO DE 18 A 19 H

FRAUTA TRAVESERA (desde os 6 anos) MÉRCORES 4 DE DECEMBRO DE 16 A 17 H

CLARINETE (desde os 6 anos) mércores 11 de DECEMBRO DE 16 A 17 H

Nunca esquezades que a música é unha ferramenta poderosa para extraer o mellor de vós mesmos e que á parte da súa crucial importancia na historia e a cultura, o cal se traduce en coñecemento e formación, axúdanos a enriquecernos emocionalmente dunha maneira indescritible.

Concello de Baiona