A exposición “Sumando Soños” do Centro Juan María – Asociación A Esperanza do Val Miñor poderá contemplarse ata o 30 de setembro na sala multiusos de Sabarís

O alcalde de Baiona, Jesús Vázquez Almuiña, acompañado polo concelleiro de Cultura, Policarpo Vilar Misa, a concelleira de Política Social, Ana Iglesias Rodríguez, e a concelleira de Educación, Nuria Leyenda Gómez, inauguraron a exposición “Sumando Sueños” do Centro Juan María – Asociación A Esperanza do Val Miñor, que poderá contemplarse ata o 30 de setembro na sala multiusos de Sabarís. Un acto no que estiveron presentes e participaron tamén os propios autores das obras, as persoas usuarias dos centros.

Trátase dunha exposición de fotografía sobre a historia do Centro Juan María–Asociación A Esperanza do Val Miñor e de pinturas e papiroflexia.

O horario para poder coñecer de primeira man esta interesante mostra é:
Luns, sábados e domingos: 12:00-14:00h/ 18:00-21:00h.
De martes a venres poderase visitar de 18:00-21:00h.

Centro Juan María

O Centro Juan María celebra 40 anos de traxectoria, marcada pola perseveranza, os retos, os éxitos e momentos memorables.

O 11 de xaneiro de 1984, Sor Rosario, Gloria Fernández, xunto con outras 14 persoas, fundaron a Asociación A Esperanza do Val Miñor, co propósito de crear un colexio para persoas con discapacidade.

Grazas á colaboración da Mancomunidade de Montes de Parada, que cedeu o “Monte dás Agullas”, empezouse a construír o Centro Educativo. En 1987 inauguráronse as primeiras aulas, e desde entón a entidade foi crecendo. Ampliáronse as aulas educativas e, cando os nenos e nenas creceron, creouse o

Centro Ocupacional. Máis tarde abriuse o Centro de Día, e desde 2014, o Centro Especial de Emprego.

O corazón deste proxecto son as persoas usuarias e as súas familias, quen, con coraxe e determinación, demostraron ao longo dos anos como superar barreiras e alcanzar grandes metas.

Na actualidade 52 profesionais atenden o Centro Educativo e o de Adultos. Aos que hai que sumar outros 3 profesionais en Atención Temperá desde 2023
e 28 persoas contratadas no Centro Especial de Emprego.

Os perfís destes profesionais son: profesores/as; monitotres/as, fisioterapeutas; logopeda; psicomotricista; psicólogo/a; coidadores/as e técnica de medicación comunicativa.

No centro educativo hai 33 alumnos/as e en adultos 74. En Formación Dual dáse cobertura a 10 persoas que pertencen a emprego.

Realizado por: Marta González Pérez
Responsable de Prensa
Email: gabinetedeprensa@baiona.gal

571 Views