Aberto o prazo de inscrición na Escola Municipal de Música de Baiona para o Curso 2022/2023
Gabinete de Prensa
19 Xullo, 2022
A Concellería de Cultura do Concello de Baiona informa que ata o 29 de xullo o alumnado interesado en matricularse para o curso 2022/2023 poderá facelo en horario de 9.00 a 14.00 horas.
A matrícula realizarase no centro situado na rúa Alferez Barreiro nº20-21, onde as persoas interesadas terán acceso aos formularios correspondentes.
Os nenos e nenas de 4 a 6 anos poden matricularse na materia de música e movemento. Esta disciplina é ideal para os máis pequenos xa que aprenden dun xeito dinámico e lúdico os coñecementos que os preparan para as clases de música para adultos. Traballan a psicomotricidade, realizan coreografías…
A partir dos 6 anos, son moitos os instrumentos que poden elixir entre os que se atopan: frauta transversal, gaita, clarinete, saxofón, trompeta, trompa, trombón, tuba, percusión, piano, guitarra, violín, viola, canto. . . Tamén este próximo curso a Escola ofrece Batucada, Banda e Coro…
Para máis información podes contactar connosco no teléfono 986356081.
Realizado por: Marta González Pérez
Responsable de Prensa
Email: gabinetedeprensa@baiona.gal
