CulturaTurismo

FESTA DA ARRIBADA 2022

Gabinete de Prensa 19 Xaneiro, 2022

Aberto o prazo de solicitude para participar no Real Mercado Medieval da Festa da Arribada:

Sempre que as medidas a adoptar pola Xunta de Galicia ante a covid durante o primeiro fin de semana de marzo (4, 5 e 6 de marzo) o permitan, Baiona celebrará o 529 Aniversario da Arribada da Carabela Pinta.

Esta é a decisión tomada para o Concello de Baiona, polo que a Concellaría de Cultura xa traballa nos preparativos da celebración. Hoxe mesmo, ábrese o prazo de solicitude para participar no Real Mercado Medieval.

A crise sanitaria do covid-19, fai que a Festa de Interese Turístico Internacional adáptese as circunstancias actuais, polo que esta nova edición experimentará unha serie de cambios co fin de que se cumpran coas medidas de seguridade sanitarias.

Entre os cambios que experimenta este ano a festa, os postos de artesanía se re-situarán nun emprazamento distinto ao que o viñan facendo os anos anteriores, o Centro histórico da Vila, co fin de que tránsito entre as persoas visitantes sexa máis fluído nestas rúas. Buscaranse vías máis amplas e cómodas para expor os produtos de venda, facilitar a circulación entre as persoas asistentes e evitar aglomeracións.

Outra das novidades da edición 2022 será a prohibición de consumir na barra dos postos de comida. As barras servirán unicamente como espazo de recollida de alimentos e bebidas. Por iso, o Concello de Baiona creará uns espazos denominados “bolsas de mesas” onde os comensais poderán gozar dos ricos manxares que ofrecen os postos, serán espazos amplios e grandes creados especificamente para tal fin.

Así mesmo, quitaranse da programación da festa os espectáculos con animais.

“O goberno local pretende unha celebración cun maior valor cultural e histórico co fin de que a celebración non perda o significado co que se creou, sempre garantindo e seguindo as medidas sanitarias establecidas pola Consellería de Sanidade da Xunta de Galicia”, destaca o Alcalde, Carlos Gómez Prado.

“A aposta pola súa celebración atenda a un desexo de manter vivo o espírito da Arribada adaptándonos aos tempos que nos tocaron vivir e sempre tendo como pano de fondo a seguridade sanitaria”, finaliza o rexedor.

A pandemia fixo que no ano 2021 non se puidese celebrar esta data marcada en vermello no calendario baionés. Así mesmo, propiciou que se suspendese por primeiro vez desde 1995, data desde a que levaba a cabo de maneira ininterrompida.

A Arribada preséntase con cambios substanciais, sobre todo na súa formulación, aínda que tanto o rexedor como a responsable de área, Miriam Costas, aposta pola súa celebración.

O prazo para presentar as solicitudes de postos de venda no Real Mercado Medieval da Festa da Arribada estará aberto desde hoxe, mércores 19 de xaneiro, até o 11 de febreiro de 2022, ambos os incluídos.

A organización da festa pon a disposición dos artesáns 70 postos do Concello, que serán sorteados entre todas as solicitudes.

Todas as persoas interesadas en obter autorización para a instalación dos postos de venda no Real Mercado Medieval da Arribada, deberán cubrir a solicitude oficial e a Declaración Responsable (Anexo I) e presentalas no rexistro xeral do Concello ou a través da sede electrónica http://baiona.sedelectronica.gal

Para calquer aclaración ou dúbida poden porse en contacto a través do email:Mercadoarribada@baiona.gal ou no teléfono 617447279 en horario de luns a venres de 9:00 a 14:00h e de 16:00 a 20:30h. Sábados de 09:00 a 14:00h.

Toda a información necesaria para realizar a solicitude atópase dispoñible nesta páxina web:

Documentación en Galego:

Solicitude Oficial Posto Venda Arribada 2022

Anexo I Declaración Xurada Arribada 2022

Anexo II Taxas Autorización Postos Venda Arribada 2022

Bases Reguladoras Festa da Arribada 2022

Documentación en Castelán:

Solicitud oficial puesto venta Arribada 2022-castellano

Anexo I-Declaración Jurada-Fiesta Arribada 2022 castellano

Anexo II Tasas autorización puestos de venta Fiesta Arribada 2022

Bases Reguladoras Fiesta de la Arribada 2022 – castellano

Listado provisional Postos Mercado Medieval Festa da Arribada 2022: