Baiona, contará cun punto Lila “Caravana Morada“ na Festa da Arribada

A Concelleira de Igualdade Yasmina Moreira Costas informa que nesta edición da Arribada instalarase na Glorieta de Colón a“ A caravana Morada “ o sábado 4 de marzo en horario de apertura de 18:00 pm a 2:00 am e o domingo, día 5 de marzo, de 12:00 pm a 20:00 pm. A caravana do punto lila estará atendida por un equipo técnico especializado en previr e orientar na loita contra a violencia de xénero , integrado por dúas profesionais expertas en violencia de xénero: unha psicóloga especializada en xénero e criminoloxía e unha educadora social/axente de igualdade. Ambas asistirán e asesorarán ás mulleres que así o necesiten e informarán sobre os recursos dispoñibles a nivel local, comarcal , autonómico e nacional .

O obxectivo do punto lila é por unha banda concienciar e visibilizar o compromiso social e rexeitamento comunitario das violencias informando sobre os recursos dispoñibles contra a violencia de xénero e por outra parte ofrecer atención técnica, psicolóxica e de coordinación.

O punto Lila Caravana Morada , está financiada con cargo aos créditos recibidos do Ministerio de Igualdade Secretaría de Estado de Igualdade e contra a Violencia de Xénero.

Realizado por: Marta González Pérez
Responsable de Prensa
Email: gabinetedeprensa@baiona.gal