BAIONA PRESENTA O XVII TORNEO MINIBASKET CB BAIONA

O XVII Torneo Minibasket CB Baiona reunirá a máis de 500 participantes nunha fin de semana de referencia para o baloncesto basee

O Concello de Baiona acolleu a presentación oficial do XVII Torneo Minibasket CB Baiona, un acto no que se deron a coñecer os detalles da décimo séptima edición deste consolidado evento deportivo, que se celebrará os días 27, 28 e 29 de marzo no Pavillón Municipal de Baiona.

A presentación contou coa presenza do alcalde de Baiona, Jesús Vázquez Almuiña, Ana Iglesias, a concelleira de Deportes, a Xisela Aranda, directora de Deportes da Deputación de Pontevedra, a Freire representando á Secretaría Xeral para ou Deporte da Xunta de Galicia, a Julio Bernárdez e Susana García, presidente e vicepresidenta da Federación Galega de Baloncesto, así como representantes do CB Baiona, pechando a representación institucional, Severino Castiñeiras, presidente do club, José Cernadas, membro da directiva e Anxo Carbó, adestrador do club.

Durante o acto púxose en valor a traxectoria e consolidación deste torneo, así como o seu impacto tanto a nivel deportivo como social e turístico para o municipio, destacando o traballo organizativo do CB Baiona e a importancia de seguir fomentando o deporte base. O torneo reunirá a máis de 500 participantes, entre xogadores e adestradores, procedentes das catro provincias galegas, así como de Cataluña, Ponferrada, Zamora e Valladolid.

En total, participarán 32 equipos de categoría minibasket, divididos en 16 masculinos e 16 femininos, que disputarán 74 partidos ao longo da fin de semana. A competición arrincará o venres 27 de marzo ás 18.00 horas co tradicional concurso de tiro por parellas. O sábado 28 celebrarase a fase de grupos en horario de 09.00 a 22.00 horas, mentres que o domingo 29 terán lugar os playoffs pola mañá e as finais pola tarde, que poñerán o broche final ao torneo coa entrega de premios.

Desde o CB Baiona destacan que, máis aló da competición, o torneo busca fomentar valores como a convivencia, o compañeirismo e o respecto, ofrecendo aos mozos participantes unha experiencia deportiva enriquecedora. O torneo consolidouse como unha das citas máis destacadas do minibasket galego e nacional.

Concello de Baiona