O Concello de Baiona reorganiza as súas áreas de goberno coa entrada da nova concelleira Andrea Pérez González

Andrea Pérez González será mañá oficialmente concelleira do Equipo de Goberno do Concello de Baiona. A toma de posesión producirase este xoves, 15 de setembro, no pleno ordinario convocado ás doce da mañá.

Tras a marcha do Concelleiro de Urbanismo, Victor Muñoz Aciñeiras, por cuestións laborais, Pérez González entra no consistorio como titular da Concellería de Deportes, Comercio e Mercado.

Coa incorporación da nova edila, o alcalde reorganizou as áreas de goberno. Con este cambio, o primeiro tenente de alcalde de Baiona, Óscar Martínez Álvarez, modifica parte das súas responsabilidades, pasando a ocuparse tamén da área de urbanismo. Deste xeito, Martínez quedará á fronte da Concellería de Urbanismo, Vías e Obras, Iluminación Pública e Seguridade Cidadá. Tamén verá modificadas as súas responsabilidades Miriam Costas Iriarte, que pasará a área de Deportes á nova concelleira, co que pasará a estar ao cargo en exclusiva da Concellería de Cultura.

O Alcalde de Baiona, Carlos Gómez Prado, dá a benvida á nova concelleira do equipo de Goberno e destaca que “ Asumir estas responsabilidades nos últimos nove meses desta lexislatura é todo un reto, tanto para ela como para o grupo de goberno, pero que ao mesmo tempo, estou convencido de que coas súas capacidades e co seu compromiso vai poder asumir a súa tarefas sen ningún tipo de problema”.

O resto de concellerías non van experimentar cambios, polo que o equipo de Goberno do Concello de Baiona quedará da seguinte forma, tras o pleno de mañá:

– Concellería de Turismo, Vivenda, Mar e Seguridade Cidadá : Carlos Gómez Prado, Alcalde.

– Concellería de Urbanismo, Vías e Obras, Alumeado público: Óscar Martínez Álvarez, Primeiro Tenente de Alcalde.

– Concellería de Facenda, Organización e Recursos Humanos: Luis Carlos de la Peña Arizaga, Segundo Tenente de Alcalde.

– Concellería de Medio Ambiente e Participación Cidadá: Iago Pereira Moreda, Terceiro Tenente de Alcalde.

– Concellería de Medio Ambiente e Parroquias: Rosa María Domínguez Roda.

– Concellería de Servizos Sociais, Mobilidade e Accesibilidade: Concepción Vara Rodríguez.

– Concellería de Cultura: Miriam Costas Iriarte.

– Concellería de Deportes, Comercio Y Mercado: Andrea Pérez González.

– Concellería de Educación e Emprego: Ósacar Carreño Miniño.

– Concellería de Igualdade, Xuventude e Novas Tecnoloxías: Yasmina Moreira Costas

Realizado por: Marta González Pérez
Responsable de Prensa
Email: gabinetedeprensa@baiona.gal