O “Novembro Lila” achega a Igualdade aos centro escolares de Baiona da man do proxecto “Tola ou subversiva?” de Mónica Sueiro, directora da Aula de Teatro de Baiona

A programación organizada pola Concellería de Igualdade co gallo do Día Internacional contra a Violencia de Xénero, ” Novembro Lila”, continúa coas súas actividades.

A Concelleira de Igualdade do Concello de Baiona, Yasmina Moreira Costas, acercouse hoxe ata o CEP Sabarís para coñecer o Proxecto “Tola ou subversiva?” de Mónica Sueiro, directora da Aula de Teatro de Baiona, e coñecer de primeira man as impresións do alumnado de sexto de primaria ao que vai dirixido esta actividade.

Hoxe foi a quenda do CEP Sabarís e CEP Belesar que acolleron a acción programada pola concellería coa que o que se busca é ofrecer dunha maneira lúdica ferramentas coas que favorecer novos modelos de relación entre mulleres e homes baseados na igualdade, paz, xustiza e convivencia.

Esta mesma actividade desenvolveuse este martes no CPI Cova Terreña e o mércores no CEIP. Trátase dun proxecto que se abarcará en dúas sesións polo que volverá a igualdade ás aulas baionesas a vindeira semana.

O “ Novembro Lila” é un programa deseñado para dar visibilidade á secuela da violencia machista coincidindo con motivo do 25 N, día internacional contra a violencia de xénero. Trátase dunha programación que abarcará todo o mes de novembro e contará cunha importante presenza feminina, cuxas pezas e traballos contan historias vividas e sentidas por mulleres.

Realizado por: Marta González Pérez
Responsable de Prensa
Email: gabinetedeprensa@baiona.gal