O Multiusos de Sabarís acolle un taller de arte terapia para mulleres organizado pola Concellería de Igualdade do Concello de Baiona

Un total de 12 baionesas participan no taller de arte terapia” Ti creas, expresas, contas:Ti transformas”. Dirixido a mulleres co obxectivo de promover o desenvolvemento da creatividade e da capacidade de expresión desde un espazo de reflexión asi como fomentar a resiliencia.

A actividade é gratuíta e desenvolverase no multiusos de Sabaris no mes de outubro: O 10,17,19,24,26 e 31 en horario de mañá de 10:00 a 13: 00 h.

O taller é coordinado e impartido pola artista Irene Silva, que xunto coas alumnas participantes elaborará unha mostra colectiva que visibilice a importancia da participación para alcanzar obxectivos sociais.

A arteterapia é unha disciplina pola que, usando materiais das artes plásticas, favorece o proceso de reflexión e desenvolvemento persoal a través do proceso creativo e de expresión artística. Realízanse actividades plásticas para conseguir relaxación, conciencia corporal, afrontamiento de #o #estrés e da ansiedade. Trabállase o autoconcepto, a autoimagen e autoestima, incrementando a motivación e a enerxía vital entre outras moitas cousas. En definitiva, conseguir un desenvolvemento persoal por medio da arte.

A Concelleira de Igualdade, Sheila González Martins, acudiu ao acto de presentación e inicio do curso para dar a benvida ás participantes á primeira hora desta mañá. Trátase dunha actividade realizada a través do Centro de Información á Muller (CIM) de Baiona pertencente á Concellería de Igualdade.

Realizado por: Marta González Pérez
Responsable de Prensa
Email: gabinetedeprensa@baiona.gal