Representación teatral para as crianzas “Aprendendo a querer” de Isabel Risco este domingo no Multiusos Mercado de Sabarís

O Novembro Lila continúa a súa andaina no Multiúsos Mercado de Sabarís e acolle este domingo, 20 de novembro, ás 12:00h a representación teatral para as crianzas “Aprendendo a querer” Trinke Trinke Teatro, Isabel Risco.

Todos aqueles nenos e nenas que se acheguen ata o recinto municipal pasarán unha mañá divertida. A entrada é gratuíta e libre ata completar aforo.

Esta actividade forma parte da programación “Novembro Lila” organizada pola Concellería de Igualdade, ao fronte de Yasmina Moreira Costas, co gallo do Día Internacional contra a Violencia de Xénero, que trae consigo un mes dedicado a actividades para sensibilizar e educar contra a violencia á muller no Concello de Baiona.

Realizado por: Marta González Pérez
Responsable de Prensa
Email: gabinetedeprensa@baiona.gal