Xornadas Ibernáutica Premium Sexa’s Gastronomy

O Alcalde de Baiona, Jesús Vázquez Almuiña, participou nas xornadas Ibernáutica Premium Sexa’s Gastronomy. En concreto, o rexedor exerceu de moderador xunto co doutor enxeñeiro industrial e veciño da vila, Alfonso Mandado Vázquez, na mesa sobre pesca, algas e marisqueo. Tamén estivo presente o concelleiro de pesca, marisqueo e actividades marítimas do Concello de Baiona, Joaquín López Goce.

“Baiona é costa e mar, que nos definen como territorio. E neste marco, a gastronomía do mar é un aspecto fundamental para o impulso de Baiona como motor económico e destino turístico. Un acerto a temática desta VII edición de Ibernáuticca. Un pracer o poder asistir a estas xornadas e que se tivo en conta a importancia de ambos os conceptos para a nosa localidade”, sinala o alcalde, Jesús Vázquez Almuiña.

As xornadas Ibernáutica Premium Sexa’s Gastronomy trátase dun congreso que Abanca, con patrocinio da Consellería do Mar e do Porto de Vigo, organizou na Andrómena da Autoridade Portuaria da cidade olívica.

Baixo a lema de Premium Sexa’s Gastronomy, un amplo elenco de relatores analizaron a alimentación na mar e todos os seus problemas. Os participantes foron seleccionados polo Campus do Mar da Universidade de Vigo e a Academia Galega de Gastronomía.

Realizado por: Marta González Pérez
Responsable de Prensa
Email: gabinetedeprensa@baiona.gal