Baiona investirá 622.642,33 euros do remanente de tesourería en novos investimentos

O Concello de Baiona conseguiu un remanente de tesourería positivo dos exercicios de 2019, 2020 e 2021 que prevé destinar a novos investimentos. “Propoñeremos empregar 622.642,33 euros do remanente á execución de novos proxectos que consideramos fundamentais para a veciñanza”, explica o alcalde de Baiona, Carlos Gómez Prado.

Un remanente que se destinará a investimentos que se tratará no pleno deste venres. En concreto, este diñeiro será destinado a melloras de camiños, parques infantís, colexios, ou a proxectos da área de urbanismo”.

“Esta importarche cifra de remanente alcanzouse grazas á boa xestión que se levou a cabo nos últimos anos no Concello de Baiona. Cumprimos así co noso compromiso de reinvestir o recadado no pobo”, destaca o rexedor.

Gómez Prado destaca que non se trata de “gastar por gastar, pero tampouco se trata de aforrar non atendendo as necesidades que ten a veciñanza nos seus camiño, nos seus barrios…” sendo froito devanditos números dunha actividade “transparente e saneada que debe reinvestirse en melloras para os baioneses e baionesas”

“Despois deste gasto en investimentos pecharemos o exercicio de 2022 cun importe de aproximadamente 1.500.000 de euros”, finaliza o mandatario.

Realizado por: Marta González Pérez
Responsable de Prensa
Email: gabinetedeprensa@baiona.gal