O CONCELLO DE BAIONA REALIZA UN FORTE INVESTIMENTO EN PARQUES INFANTÍS

Debido á falta de mantemento dos parques durante o goberno anterior, o estado das instalacións requiría dunha atención especial por parte dos servizos municipais. Tras realizar un estudo pormenorizado das necesidades técnicas de cada espazo, o goberno local ha executado e adxudicado recentemente intervencións de gran calado nos parques da Palma, Dolores Agrelo e A Galiña Azul, que elevan o estándar de calidade das instalacións, sumándose aos traballos realizados durante o último ano en todo o municipio.

Plan de choque e adxudicación da reparación integral do Parque da Palma
O parque da Palma, a área recreativa con maior afluencia da vila, é tamén a que sofre unha maior incidencia de condutas incívicas. Por iso, o Concello deseñou unha estratexia de rehabilitación que xa está en marcha:
1. Actuacións previas e urxentes: Realizáronse xa diversas reparacións na tirolesa e substituíronse elementos biosaudables que se atopaban nun estado lamentable ao comezo desta lexislatura. Así mesmo, execútanse múltiples reparacións por actos vandálicos neste parque, que é o que maior índice de vandalismo rexistra.
2. Nova obra integral adxudicada por 36.255,45 €: O Concello acaba de adxudicar unha intervención profunda para restaurar os elementos do parque e o pavimento en zonas deterioradas. Segundo o proxecto, os traballos incluirán entre outros:
◦ Xogo de Calistenia: Substitución de madeiras deterioradas, lixado, aplicación de lasur protector, renovación de tornillería por aceiro inoxidable.
◦ Randeeiras dobres de bebé: Restauración completa dos randeeiras tipo cesto, incluíndo o desmonte e traslado a taller das vigas metálicas para a súa chorreo e galvanizado en quente por inmersión, ademais do cambio de postes deteriorados.
◦ Conxunto Multijuego e Tirolesa: Reparación de plataformas, redes de rube, tensado de cables e posta a piques de todos os mecanismos de seguridade.

Reparación integral do parque infantil da rúa Dolores Agrelo (fronte ao pavillón de deportes),cun investimento de 24.198,54 €, transformouse este espazo mediante:
• Renovación total do pavimento: Instalación de 120 m² de pavimento continuo de caucho de alta seguridade (SBR + EPDM) e céspede artificial.
• Novo valado perimetral: 40 metros de valo de madeira de piñeiro tratado con bordos redondeados.
• Mantemento de xogos e bancos: Limpeza, lixado e pintado de estruturas, ademais da rehabilitación dos bancos da contorna (substitución de madeiras e pintura) para maior comodidade das familias.

Mellora integral na contorna da Galiña Azul, cun orzamento de 4.779,50 €, garantiuse a seguridade estrutural e estética:
• Novo valo perimetral: Substitución de 30 metros de cerramento antigo por madeira tratada.
• Mobiliario e Xogos: Reparación integral dos bancos e da torre multijuego (chans de madeira contrachapada e axuste de fixacións).

Outras actuacións e reparacións no municipio, estes investimentos compleméntanse cun plan de mantemento que chega a todos os recunchos de Baiona:
• Sabarís e Santa Marta: Reparacións estruturais, pintado e limpeza con investimentos que superan os 3.700 €.
• Parque de Ladeira (xunto ao cemiterio): Investimento de 2.657,16 € para restaurar o multijuego, balancines e peiraos.
• Parroquias: Labores activos de mantemento nos parques de Fontes, Portameán, A Granxa e A Rega, asegurando que todos os nenos e nenas do municipio gocen de instalacións óptimas.

Un chamamento fronte ao vandalismo
A pesar deste esforzo económico histórico, o Concello lamenta que estes espazos sufran continuamente actitudes incívicas. As reparacións por roturas deliberadas ou pintadas son constantes, o que xera un gasto extraordinario que repercute negativamente na imaxe da vila e, sobre todo, na seguridade e o goce dos máis pequenos.
“O noso compromiso é a seguridade e o goce dos menores, pero necesitamos a colaboración de todos. O civismo é a mellor garantía para que os nosos parques sigan sendo lugares seguros e agradables”, conclúen desde o goberno municipal.

Concello de Baiona