O Concello de Baiona reforza a limpeza viaria cunha intensiva campaña de baldeos e decapado das beirarrúas

O Concello de Baiona, a través da Concellería de Medio Ambiente, iniciou unha campaña de reforzo da limpeza viaria a través da realización de distintos baldeos e decapados nas zonas peonís tentando actuar nas rúas coa sucidade máis incrustada. Os traballos de limpeza levarán a cabo coa axuda de maquinaria especializada na limpeza destas características e complementarán os labores habituais realizados nas rúas e prazas da localidade.

Esta iniciativa, de carácter extraordinario tras a tempada estival, arrincou a mediados desta semana e conta coa presenza dun equipo por varias persoas está a traballar co apoio da máquina de baldeo para realizar baldeos e decapados das beirarrúas con equipos de limpeza con auga a presión e outros medios mecánicos, para unha mellor limpeza viaria e a imaxe xeral do estado da localidade.

O Concello de Baiona, xa ha reforzando os servizos básicos de limpeza e baldeo intensivo no municipio durante o verán.

O Alcalde de Baiona, Jesús Vázquez Almuiña, sinalou que “estamos a traballar intensamente para dar maior resposta á veciñanza en materia de limpeza e, ao mesmo tempo, mellorar a imaxe de Baiona. Para iso informa que “dentro deste novo plan decapado das rúas coa sucidade máis incrustada, xa se está levando a cabo en Rúa Marqués de Quintanar dando continuidade por Ramón e Cajal así como pola Zona vella (Ventura Misa e Praza de Pedro de Castro). Tamén pola Rúa Elduayen así como os distintos canellóns que dan acceso a esta céntrica rúa baionesa rúa Caixa de Aforros Municipal de Vigo, Gondomar, Nigrán, Tomiño e Oia). A maquinaria tamén pasará por rúa Alférez Barreiro e pola Avenida Julián Valverde en Sabarís”.

E é que segundo lembrou “un dos compromisos do alcalde, é mellorar o estado xeral do municipio e a calidade dos servizos básicos que ofrece o Concello aos cidadáns e cidadás, entre os que se inclúe a limpeza viaria. Niso estamos a traballar, empezaron a notarse o resultados pero seguiremos profundando neste labor na que esperamos tamén contar coa necesaria colaboración de todos a cidadanía”.

O rexedor baionés tamén solicita “a colaboración do sector da hostalería e da cidadanía en xeral para que as rúas permanezan limpas para o goce de todos os veciños e veciñas o máximo tempo posible. “Unha Vila coas rúas limpas é fundamental para a propia hixiene da mesma e que todos a veciñanza gozar do noso municipio nas mellores condicións e tamén para aquelas persoas que nos visitan e vanse cunha boa imaxe da nosa localidade”

O obxectivo deste reforzo é combater a acción xerada sobre as beirarrúas para iso realízase unha limpeza en profundidade da sucidade incrustada, graxas, , e sucidade persistentes aos procedementos normais de baldeo e varrido. O equipo utilizado posúe unha impulsión de auga a presión e complétase cun reforzo de produtos desengrasantes.

Realizado por: Marta González Pérez
Responsable de Prensa
Email: gabinetedeprensa@baiona.gal