Este departamento conta con diferentes servizos e programas destinados a atender as demandas da poboación. As diferentes xestións que se realizan no departamento requiren, na maioría dos casos, de cita previa.
Os Servizos Sociais comunitarios básicos están situados na planta baixa do edificio do Concello de Baiona, na rúa Lorenzo de la Carrera nº 17.
O sistema galego de servizos sociais estruturase en forma de rede, conforme a dous niveis de actuación: Servizos sociais comunitarios e Servizos sociais especializados, tal como se recolle na Lei 13/2008, de 3 de decembro, de Servizos Sociais de Galicia e no Decreto 99/2012, de 16 de marzo, polo que se regulan os servizos sociais comunitarios e o seu financiamento.