Baiona ofrece unha visita guiada gratuíta segura polo Casco Vello para continuar coa reactivación do sector turístico en setembro

Tras a aposta esta nova tempada estival por diferentes iniciativas coas que dar a coñecer a riqueza patrimonial e cultural do municipio con diferentes programas de visitas gratuítas e coas que reactivar o sector turístico despoisd o Covid-19. A Concellaría de Turismo, á fronte do Alcalde, Carlos Gómez Prado, decidiu ampliar a oferta ao mes de setembro despois da gran acollida que tivo a iniciativa nos meses de verán.

Desta forma, dáse continuidade á reactivación do sector turístico neste mes e ofrécese unha alternativa segura aos visitantes que se acheguen a coñecer o municipio.

As visitas organizadas pola Concellaría de Turismo do Concello de Baiona tanto no verán como neste mes de setembro foron todo un éxito e estiveron ao completo todos os días.

Este próximo domingo, 26 de setembro, ofertarase a última, polo momento, das visitas guiadas polo Casco Vello da Vila.

Con saída ás 11:00 horas, as persoas participantes poderán gozar do amplo patrimonio cultural da Vila acompañados por unha guía oficial.

A visita é gratuíta. Durante 90 minutos, unha guía oficial de Galicia acompañará aos participantes durante un interesante percorrido por diferentes lugares emblemáticos da localidade entre os que se atopan o monumento Atopo Entre Dous Mundos, o Paseo Ribeira e o Centro histórico.

A visita levarán a cabo seguindo as medidas de prevención necesarias e cumprindo coa normativa vixente.

O número de asistentes será de 30 persoas polo que é necesaria a inscrición previa na oficina de turismo (no correo electrónico: oficinadeturismo@baiona.gal, ou por teléfono no 986 68 70 67).

O punto de encontro para ambas as visitas, tras a confirmación de praza, será o palco do Parque da Palma.

Las persoas interesadas deberán acudir obrigatoriamente con máscara, manter a distancia de seguridade con outras persoas e acollerse en todo momento ás indicacións da guía.

A visita será guiada por unha Guía Oficial habilitada pola Xunta de Galicia, como vén sendo habitual, e formada en materia de prevención de riscos laborais ante a COVID- 19.

Así, este pasado xoves, 9 de setembro, tivo lugar “Xoves non Camiño”, un programa posto en marcha para dar a coñecer o paso do Camiño Portugués pola Costa polo municipio.

A visita, que arrancó ás 10:00 horas desde a oficina de Turismo, recorriendo a Praza de Santa Liberata e continuando o trazado do Camiño Portugués pola Costa nas rúas Manuel Valverde, cale Conde e O Burgo, a praza Vitoria Cadaval de Sabarís, finalizando o traxecto na Igrexa de Santa Cristina.

Realizado por: Marta González Pérez
Técnica de Comunicación
Email: gabinetedeprensa@baiona.gal