
O Concello de Baiona, a través da Concellaría de Turismo, informa da continuidade das visitas guiadas gratuítas no mes de setembro.
A primeira delas terá lugar o xoves día 3 e será polo Centro histórico da Vila. O martes día 8 será polo Paseo de Monte Boi. O resto delas terán lugar os sábados día 12,19 e 26 de setembro e volverán ser polo Casco.
As actividades comezarán a partir das 11.00 horas. Durante aproximadamente 90 minutos, un guía oficial de Galicia acompañará aos participantes por un interesante percorrido a través do que se descubrirán lugares emblemáticos da localidade.
O programa de visitas guiadas gratuítas, dirixido tanto a veciños como a visitantes, ten como obxectivo achegar o rico patrimonio histórico e cultural do municipio.
As visitas son gratuítas e a capacidade é limitado polo que é imprescindible a inscrición previa na Oficina de Turismo de Baiona ou no correo electrónico: oficinadeturismo@baiona.gal.
O punto de encontro, tras a confirmación de prazas, é o exterior da Oficina de Turismo.
Concello de Baiona





