O Goberno aposta pola transformación sostible do turismo galego co anuncio dun novo investimento de 2 M€ no Concello de Baiona

O Delagado do Goberno en Galicia, José Miñones, achegouse esta maña ao entorno da igrexa de Santa Liberata en Baiona para coñecer de primeira mán a actuación de renaturalización do zona da capela, unha das accións proxectadas Plan de Sostibilidade Turística do Concello de Baiona subvencionado polo Goberno. Alí estivo acompañado polo alcalde do municipio, Carlos Gómez, e pola subdelegada do Goberno en Pontevedra, Maica Larriba.

O delegado do Goberno en Galicia, José Miñones, reafirmou hoxe a aposta do Goberno pola cohesión territorial e o impulso ao turismo sostible de Galicia e puxo como exemplo a achega de 2 millóns de euros do Ministerio de Industria para o desenvolvemento do Plan de Sostibilidade Turística do Concello de Baiona. O de Baiona é un dun dos trece Plans que subvenciona o Goberno de España en Galicia ao abeiro do primeiro Programa Extraordinario dos Plans de Sostibilidade Turística en Destino e con cargo aos fondos do Plan de Recuperación, Transformación e Resiliencia do Goberno.

Con estes investimentos poñer en valor os recursos patrimoniais de Baiona e promover un turismo máis verde e unha mobilidade máis eficiente. Neste sentido, o delegado destacou a importancia desta “achega histórica, que permitirá ao Concello liderar accións que contribúan a mellorar a competitividade e calidade do sector e a apuntalar a súa posición como referente do turismo galego”, destacou o rexidor baionés, Carlos Gómez Prado. 

O Plan de sostibilidade turística de Baiona

O Plan presentado polo Concello de Baiona busca desestacionalizar o turismo e facer desta localidade un destino máis verde, máis competitivo e máis sostible mediante a mellora do seu carril bici, a posta en marcha dun sistema de alugueiro de bicicletas, a creación dun aparcadoiro disuasorio e a renaturalización do entorno de Santa Liberata. As actuacións enmárcanse dentro da primeira convocatoria extraordinaria dos Plans de Sostibilidade Turística e deberán executrarse entre 2022 e 2024.

Esta non é a única actuación do Plan de Recuperación do Goberno que se está a levar a cabo no municipio, xa que o Programa Único do Ministerio de Asuntos Económicos e Avance Dixital permitirá a 267 vivendas e empresas da localidade contar con conexión a Internet de banda ancha. “Ambas inversións —subliñou o delegado— evidencian o compromiso deste Goberno co municipalismo e coa cohesión social e territorial”.

Realizado por: Marta González Pérez
Técnica de Comunicación
Email: gabinetedeprensa@baiona.gal