Turismo de Baiona organiza dúas visitas para familias durante a ponte de decembro

Tras o éxito da visita guiada para familias “A maxia do outono” que se celebrou na festividade de Samaín, a Concellería de Turismo de Baiona, dirixida por Sheila González, repite esta actividade en dous días consecutivos durante a ponte de decembro.

Será o venres 6 e o sábado 7 de decembro e está dirixida a familias con fillos e fillas. A idade recomendada é entre 5 e 10 anos.

A actividade comezará ás 17:15 horas desde a oficina de turismo onde unha Guía Oficial de Galicia guiará ás persoas participantes nun pequeno percorrido onde se poñerán en valor tanto os recursos do municipio como diversas tradicións e festividades relacionadas co outono.

As prazas son limitadas e requírese inscrición previa no correo electrónico da oficina de turismo, oficinadeturismo@baiona.gal, onde se deberá especificar que día quérense inscribir, o nome completo das persoas participantes, tanto adultas como menores e, no caso destes últimos, a idade do neno ou nena, así como o seu lugar de procedencia e un teléfono de contacto.

Concello de Baiona