Aprazada ao luns a actución do grupo de baile “Giro’s” de Baíña por mor da choiva

O Concello de Baiona, a través da Concellería de Festexos, informa de que a actuación do grupo de baile Giro’s de Baíña prevista para hoxe ás 22:30h na Praza do Concello, aprazouse ante as intensas choivas que se están rexistrando e continuarán nas próximas horas. O evento, que forma parte da pogramación Baiverán 2023, trasládase ao luns á mesma hora e no mesmo lugar.

Desde o Concello de Baiona manifestamos o noso pesar polo aprazamento pero trátase dunha decisión meditada xa que a choiva non permitiría gozar aos máis pequenos da actuación que levan preparando con tanta ilusión e esforzo para exhibir os seus bailes ao público.

Desde o Concello de Baiona animamos a toda a veciñanza e visitantes a gozar desta bonita actuación o vindeiro luns, día 10 de xullo, na praza do Concello ás 22:30h.

Realizado por: Marta González Pérez
Responsable de Prensa
Email: gabinetedeprensa@baiona.gal