As bandeiras ondean a media hasta no Concello de Baiona en sinal de dó polo naufraxio do pesqueiro “VILA DE PITANXO”

As bandeiras ondean a media hasta no Concello de Baiona en sinal de dó polo naufraxio do pesqueiro “VILA DE PITANXO”.

Ás 11 da mañá membros do goberno local e traballadores do Concello celebraron un MINUTO SILENCIO polo naufraxio do pesqueiro “VILA DE PITANXO” (en augas de Terranova, Canadá, e que causou o falecemento e a desaparición de varios tripulantes).

Deste xeito, o concello quixo amosar o seu pesar compartido coas familias dos desaparecidos e a súa solidariedade.

O Alcalde de Baiona, Carlos Gómez Prado, sinalou que “Desde Baiona, como vila mariñeira que somos, lamentamos profundamente a traxedia acontecida en augas de Canadá do barco pesqueiro galego e a perda de vidas. Todo o noso cariño ás familias, á comarca do Morrazo e a xente do mar”.

Realizado por: Marta González Pérez
Técnica de Comunicación
Email: gabinetedeprensa@baiona.gal