Baiona estrea na súa web a sección “O teu alcalde responde”

A web do Concello de Baiona (www.baiona.gal) ofrece unha nova sección. Titúlase ‘O teu alcalde responde’, unha pestana que aparece na portada xunto cunha foto do actual presidente da Corporación, Carlos Gómez Prado. Tras cubrir un pequeno formulario, a cuidadanía poderá expresar as súas dúbidas, suxerencias, queixas, propostas, opinións ou facer unha solicitude de información directamente o alcalde de Baiona. Chegarán directamente á caixa de correos de correo do rexedor, que terá a posibilidade de contestar persoalmente.

Queres facerlle unha pregunta ao Alcalde?

Carlos Gómez comprométese a responder persoalmente a cada unha das consultas realizadas. Esta nova canle de comunicación súmase á inclusión do Concello nas redes sociais Facebook, Instagram e Twitter.

“Esperamos con esta ferramenta poder seguir avanzando nas políticas de transparencia, pero sobre todo nas políticas de participación e que a relación entre o concello e a cidadanía sexa aínda máis estreita. Un dos obxectivos que quero marcar como Alcalde-Presidente é aumentar a participación cidadá no Concello, patrimonio de todos os/ as baioneses/ as”, destaca Gómez Prado.

“Esta nova sección nace do convencemento de que a transparencia e a proximidade cos meus veciños e veciñas é unha das partes máis importantes do meu traballo como Alcalde de Baiona. Por esta razón quero que calquera veciño ou veciña poida realizarme calquera pregunta, coa seguridade de que, no menor breve prazo de tempo posible, respondereilla persoalmente”, finaliza.

Agora podes dirixirche ao alcalde, Carlos Gómez, desde este novo espazo habilitado no sitio web do Concello.

Este proxecto forma parte de remodelación substancial da comunicación do Concello, con cambios como a introdución dunha nova imaxe de marga de Turismo de Baiona, a apertura e impulso das redes sociais, e a posta en funcionamento da nova web municipal cuxo principal idea tivo sempre como horizonte achegar a xestión municipal á cidadanía e converterse nunha ferramenta útil para os usuarios. Son estas máximas que empuxaron ao Conello de Baiona a redefinir a súa estratexia de comunicación en liña.

Ademais, para que a información chegue directamente á cuidadanía, desde o consitorio está a apostarse por incorporar a comunicación a través de redes sociais a través dos perfís oficiais que o Concello de Baiona ten nas diferentes redes sociais: Facebook, Twitter e Instagram, redes que convidamos a todos e todas a seguir buscando en calquera delas: Facebook: @ concellodebaiona. gal; Instagram: concellodebaiona. gal, Twitter: @ ConcelloBaiona. Tamén se conta cunha canle de Youtube: Concello de Baiona.

Realizado por: Marta González Pérez
Técnica de Comunicación
Email: gabinetedeprensa@baiona.gal