Baiona fomenta a lectura entre as persoas deportistas para conmemorar o Día Internacional do Libro 2021

A concellería de Deportes organiza a “Semana do Libro”co obxectivo de fomentar a lectura e combinala co deporte para conmemorar o Día Internacional do Libro 2021, xunto aos distintos clubs deportivos locais que teñen escolas deportivas e campus co Concello de Baiona.

Durante toda a semana, do 19 ao 25 de abril, instalarase unha mesa con libros no pavillón municipal para que os socios e socias dos clubs intercambien entre si exemplares de lectura. O resto de usuarios e usuarias das instalacións tamén poderán sumarse ao proxecto. O intercambio de libros levará a cabo seguindo un protocolo anti Covid e as persoas interesadas poderán acudir a realizar os intercambios en horario de 8:00 a 23:00 h de forma ininterrompida, o horario habitual de funcionamento das instalacións municipais.

Baixo o lema “ Troca novas experiencias, troca por dentro e por fora. O deporte de Baiona coa lectura”, o obxectivo da iniciativa, non é outro que incentivar a lectura, especialmente entre os máis novos, para converter ler libros nun hábito dos nenos e nenas baioneses desde a idade máis temperá. A este obxectivo principal súmase a importancia e os beneficios da combinación da práctica do deporte cos hábitos de lectura.

Realizado por: Marta González Pérez
Técnica de Comunicación
Email: gabinetedeprensa@baiona.gal