Pleno Concello de Baiona 27.07.23

No pleno ordinario de hoxe do Concello de Baiona que corresponde ao mes xullo de 2023 levaron 22 puntos dos cales os máis importantes da orde do día foron:

Como punto número 1: A aprobación inicial da modificación do número 1 do Plan Xeral Urbanístico de Baiona. Esta modificación vén como consecuencia dunha sentenza xudicial do novembro de 2015 que obrigaba ao Concello a realizar as aliñacións adecuadas nos estudos de detalle de chan urbano. Ademais desta actualización de aliñacións, tamén se recolleron todas as modificacións do inventario de camiños que había ata a data e tamén se trata de regular a condición de terreos residuais das parcelas. Un dos puntos máis importantes dadas as características dos locais do Casco Lanuxe de Baiona, é aplicar unha excepcionalidade e conseguir que naqueles locais de menos de 50 metros cadrados non sexa obrigatorio ter tres baños independentes(homes, mulleres e persoas discapacitadas), senón que se poida facer soamente un coas condicións necesarias de accesibilidade.

Esta modificación puntual do número uno está pendente desde 2016 e diferentes avatares no Concello fixeron que a culminación desta modificación prolónguese no tempo ata hoxe que se viu materializada.

Outro dos puntos importantes tratados na sesión plenaria fai referencia á reclamación presentada en contra das distintas Distincións Honoríficas nomeadas hai escasos meses polo Concello de Baiona. Un total de 12 distincións que foron cuestionadas ao entenderse que o trámite administrativo non fora o correcto. Pois ben, un informe do secretario do Concello de Baiona fai mención a que a persoa que interpón tal reclamación carece de lexitimación para poñer o recurso.

Fóra da orde do día levaron á sesión plenaria do día de hoxe outros dous temas de relevancia: O primeiro deles, é o suplemento de crédito para dar cobertura a todas as facturas que a esta data xa están sen crédito. Co cal, a modificación por valor de 2.346.771 euros darán cobertura en parte ao que se debe neste momento e ao que habería que facer fronte desde hoxe ata final de ano.

“A necesidade de realizar esta modificación de crédito débese á falta de xestión por parte do anterior Equipo de Goberno. Entre os servizos onde se incrementan máis as partidas son: Iluminación pública 286.468 euros; servizos sociais 256.611 euros; vías e obras 264.614 euros; deportes 128.490 euros; turismo 91.149 euros … así ata superar a cifra dos máis de 2 millóns de euros anteriormente citados” destaca o Alcalde de Baiona, Jesús Vázquez Almuíña.

Este punto contou cos votos a favor dos 11 concelleiros do Partido Popular e a abstención da oposición.

A este punto sumóuselle outro recoñecemento extraxudicial de facturas correspondente ao incremento das taxas do ORAL da Deputación de Pontevedra por maior recadación no ano 2022.

Realizado por: Marta González Pérez
Responsable de Prensa
Email: gabinetedeprensa@baiona.gal