A Deputación de Pontevedra repara a pasarela de madeira da Estrada de Subida á parroquia de Baíña

A Deputación de Pontevedra atópase realizando obras de reparación da pasarela de madeira da estrada de subida á parroquia de Baíña.

O Concelleiro de Vías e Obras do Concello de Baiona, Gonzalo Pérez Barreiro, achegouse ata o lugar para supervisar os traballos e comprobar a evolución das obras de mellora.

A reparación da pasarela de madeira situada na EP.2201_BAIONA- BAHIÑA – As Fontes, na zona da estrada de subida á parroquia de Baíña próxima á urbanización “Almirante Fontán”, un total de 104 metros de lonxitude, que discorre de maneira íntegra polo municipio, leva sendo necesaria desde hai un tempo.

Os arranxos consisten no desmonte e substitución na súa totalidade das vigas de madeira existente, desmonte e substitución por completo da tarima de madeira e reparación da estrutura metálica. En canto á estrutura de ferro, as obras de mellora consisten no pulido e pintado da infraestrutura.

Dada a situación de atraso nos traballos de arranxo dos danos, e dada a funcionalidade e características da estrada, o Alcalde de Baiona e Deputado Provincial, Jesús Vázquez Almuiña, púxose en contacto coa administración provincial para incidir na reparación da pasarela de madeira que levaban un importante tempo pendente. O persoal técnico do Servizo de Estradas da Deputación deu resposta á devandita solicitude poñendo en marcha unha actuación urxente de reparación, dado que é unha infraestrutura moi utilizada pola veciñanza de Baíña que se despraza a pé ao núcleo da Vila.

Cos traballos están a desenvolverse ponse fin a uns danos nunha estrada moi utilizada pola veciñanza do lugar e que levaban tempo esperando dita reparación.

Realizado por: Marta González Pérez
Responsable de Prensa
Email: gabinetedeprensa@baiona.gal