LLega700 activará a rede móbil de nova xeración en Baiona

A Concellería de Novas Tecnoloxías informa que que Llega700 activará a rede móbil de nova xeración en Baiona nos próximos días.

Infórmase á veciñanza de que de detectasen algún tipo de problema na visualización das canles da TDT poden poñerse en contacto coa empresa ao longo dos próximos 6 meses a través de: email:ayuda@llega700.es ou a través do número de atención gratuíto para a cidadanía: 900 833 999.

Llega700 xestiona as incidencias na recepción da sinal TDT causada por activación das tecnoloxías da banda de 700 MHz no seu municipio de forma gratuíta para os seus usuarios. Infórmase de que o servizo móbil de nova xeración sobre a banda de frecuencia de 700 MHz dos principais operadores móbiles atoparase dispoñible na súa localidade en datas próximas. Nunha fase inicial, antes da súa plena dispoñibilidade, verificaremos a calidade do servizo ofrecido aos cidadáns. A tecnoloxía prestada sobre a banda de frecuencia de 700 MHz, anteriormente utilizada pola Televisión Dixital Terrestre (TDT), permite ofrecer unha mellor cobertura en interiores e a maior extensión de cobertura posible.

Esta rede chega para mellorar a velocidade de conexión a internet, servizos de televisión, vídeo e música baixo demanda, así como decenas de novos servizos que verán a luz nos próximos anos para aproveitar o gran potencial da tecnoloxía. A prestación dos servizos móbiles nesta banda pode conlevar a aparición de determinadas afectacións na recepción do sinal de TDT dos usuarios da nosa localidade, debido a que se utilizaba anteriormente para o servizo de televisión.

Para liquidar as devanditas afectacións, en caso de chegar a producirse, os operadores móbiles han confiado na nosa empresa, Llega700, para resolver calquera tipo de afectación que poida producirse a calquera usuario de TDT e en calquera punto do territorio nacional que se vexa afectado por este motivo. Con tal fin, habilitamos un teléfono de atención gratuíto ao que poden recorrer todos os usuarios que necesiten solicitar a actuación nas súas instalacións para a solución das afectacións e, deste xeito, que poida restablecerse o servizo TDT con total normalidade.

Unha vez iniciada a prestación do servizo mencionado, neste número de teléfono atenderase calquera solicitude de solución de afectación que presenten os seus veciños, sendo atendidas inmediatamente e coa máxima celeridade.

Tras a notificación da afectación por parte dos veciños, un técnico cualificado desprazarase onde se detectou a afectación e procederá a realizar os labores de acondicionamento necesarias para liquidala. Todo iso sen custo algún para a veciñanza.

Realizado por: Marta González Pérez
Responsable de Prensa
Email: gabinetedeprensa@baiona.gal