Vincúlate

A iniciativa deu comezo este mes de abril e desenvólvese con sesións todos os martes e xoves, en horario de tarde, no campo de fútbol da Ladeira. Son un total de 20 menores, divididos, por idades, en dous grupos de dez.

Dende o Departamento de Servizos Sociais, xurde a idea da creación dun proxecto novidoso que trata de dar resposta á crecente demanda detectada dende hai tempo, tanto no servizo como nos departamentos de orientación dos centros educativos como polo Servizo de educación e apoio familiar do Concello, no traballo da intelixencia emocional.

Por outra banda, está prevista a formación dun grupo máis reducido para rapaces con trastorno do espectro autista (TEA) e no que se desenvolverían actividades máis específicas de traballo en habilidades sociais, e comunicativas, tempos de espera, diminución de comportamentos estereotipados e toma de decisións, que se faría con cans especificamente preparados para este tipo de traballo.