maio, 2022
Detalles da Actividade
A Concellería de Cultura do Concello de Baiona organizou para esta fin de semana unha serie de concertos para poñer ritmo á “Baiona Sailing Week”.
A praza do concello acollerá este venres, 27 de maio, ás 21:00 h o concerto de “ Blue Monk”. O sábado, 28, á mesma hora, 21:00 h, “Vilar People” e o domingo 29, en sesión vermú ás 12:30 h o concerto de “Los del Barro”.
Baiona atópase nunha das súas semanas máis naúticas con motivo da ABANCA 52 SUPER SERIES · BAIONA SAILING WEEK que se celebra na Vila desde o pasado sábado. Toda unha semana na que tres equipos norteamericanos, dous ingleses, un alemán, un turco, outro surafricano e un noveno tailandés competirán na primeira cita da tempada do circuíto de monocascos máis importante do mundo.
O evento deportivo, patrocinado por ABANCA e Turismo de Galicia a través do Xacobeo, e apoiado pola Deputación de Pontevedra e o Concello de Baiona, deixará un impacto económico na comarca do Val Miñor valorado en 2 millóns de euros. Aloxamentos, restauración, empresas de instalacións, transportes, loxística, náutica ou deseño son algúns dos sectores beneficiados pola chegada das 52 SUPER SERIES a Galicia.
Máis información
