O Concello de Baiona “lamenta e condena” os actos de vandalismo desta fin de semana

O Concello de Baiona condena os actos de vandalismo ocorridos durante a fin de semana no municipio contra o patrimonio vexetal e moble.

O Concello lembra que Baiona “é de todos e pide que se coiden e respecten os espazos públicos e privados. Este tipo de incidentes, ademais de provocar estragos e sucidade nas infraestruturas, co seu consecuente custo económico, tamén provocan prexuízos aos baioneses e baionesas e aos que elixen a nosa vila para gozar do verán, xa que afectan directamente ás vías públicas que todos disfrutamos”, destacou o alcalde, Carlos Gómez Prado.

O concelleiro considera que este tipo de actos vandálicos non teñen cabida nunha localidade como Baiona.

Os operarios municipais do Concello de Baiona procederon á primeira hora da mañá do domingo a realizar os labores de limpeza pertinentes para arranxar as rúas do municipio que sufriron os danos.

Realizado por: Marta González Pérez
Responsable de Prensa
Email: gabinetedeprensa@baiona.gal