Baiona ofrece dúas alternativas de lecer ambiental este verán: “Safari Etolóxico de Garranos” e as rutas de senderismo“ Baiona Natural”

Finca Moreiras organiza os roteiros guiados “Safari Etolócico de Garranos”. Un safari sostible descubrirá este animal salvaxe e prehistórico campando ás súas anchas no privilexiado lugar do Alto de Groba. As visitas guiadas serán a pé. Sairá un autobús do centro da vila cara ao Alto da Groba con guías para coñecer á única reserva de cabalos salvaxes do Atlántico, a maior manda de equinos en liberdade de Europa e un do poucos lugar de España onde velos en semilibertad e sen necesidade de intervención humana para sobrevivir.

A actividade “Safari Etolóxico de Garranos”ofertarase o vindeiro xoves 14 de xullo e o 28 deste mes. Tamén todos os meses de agosto. Un mini bus sladrá de en fronte da Oficina Municipal de Turismo de Baiona ás 10:15h para realizar o roteiro guiado para observar e coñecer o comportamento dos garranos, cabalos salvaxes da serra da Groba, na súa contorna natural, finalizando ás 13:15h. O prezo é de 25 €/ persoa e 20€/ menores de 12 anos. Requírese un mínimo de persoas para facer o roteiro: 12 persoas

Para inscribirse é necesario enviar correo a fincamoreiras@gmail.com

Así mesmo, a empresa Baiventura oferta a actividade “Baiona Natural”. Un serie de novos roteiros de sendeirismo entre as catro parroquias do municipio de Baiona. Están

recomendadas para maiores de dezaseis anos, teñen unha duración aproximada de 3,5h e a súa dificultade é moderada. Contarán con guía durante o percorrido. O prezo é de 14 euros por persoa. Inclúe agasallo de benvida, seguro de accidentes e guías titulados

A primeira dos roteiros ofertarase o vindeiro venres 15 de xullo e denomínase “A Groba Panorámica”: Deseñada para dar a coñecer o patrimonio natural de Baiona gozando da contorna panorámica da vila. O roteiro de 7Km mostra a contorna marítima desde os mellores miradoiros do alto da Groba. Entre os puntos de interese polos que transcorre atópanse: miradoiro do Cortelliño, miradoiro Alto dá Groba, A Gabiñeira, Granxa dá Tomada, Fonte dá Groba.

Seguiranlle o domingo 24 de xullo, “ Descobre Baredo” e o venres 29 deste mes “Solpor na Groba”.

Durante o mes de agosto ofertaranse outras catro roteiros: o domingo 7 de agosto “A Groba Montañosa”; o venres 12 “Solpor na Groba”; o domingo 21 de agosto “A Groba Panorámica” e o domingo 28 “Descobre Baredo”.

Para inscribirse é necesario enviar correo a baiventuragalicia@gmail.com ou chamado ao número de teléfono 690814343

Trátase de dúas iniciativas que contaron co respaldo institucional do Concello de Baiona e que tiveron unha gran aceptación do público.

“Cando Adrián Martins e David Fontán presentáronme as súas proposta non dubidei en mostrarlle apoio desde o Concello de Baiona. A veciñanza de Baiona ten moi boas ideas de negocio e noso deber como institución máis próxima é mostrale o noso apoio aos veciños e veciñas para que desenvolvan os seus proxectos.” destaca o Alcalde de Baiona, Carlos Gómez Prado.

Realizado por: Marta González Pérez
Responsable de Prensa
Email: gabinetedeprensa@baiona.gal