O Concello de Baiona convoca unha nova edición do certame “Decorando Baiona no Nadal 2021/2022”

O Concello de Baiona, a través da Concellería de Cultura, xunto coas asociacións de empresarios do municipio; Aceba, Coemsa e Ovalmi, convoca unha ano máis, este certame de decoración de nadal para os establecementos da nosa vila.

Á finalidade deste certame é potenciar e incentivar a decoración da fachadas, escaparates e o interior dos establecementos comerciais de Baiona durante a campaña de Nadal e así, incentivar o comercio local.

Valorarase a decoración das fachadas, dos escaparates e o interior dos establecementos, establecéndose os seguintes premios:

• 1º premio dotado con 500€
• 2º premio dotado con 300€
• 3º premio dotado con 200€

As solicitudes de participación poderán presentarse pola Sede Electrónica do Concello de Baiona, ou na oficina de Rexistro ata o 7 de decembro de 2021, e as decoracións deberán permanecer expostas nos establecementos como mínimo  dende o 3 de decembro de 2021 ata o 7 de xaneiro de 2022.

Solicitude de participación + Declaración Responsable das Obrigas Tributarias

Máis información na Concellería de Cultura do Concello de Baiona, no teléfono 986385921, ou nas asociacións de empresarios do municipio.

Departamento de Cultura

Baiona, 26 novembro de 2021