Cultura

Catro días de cervexa artesá, música e comida na I Feria da Cervexa Artesá de Baiona “La Pinta”

Gabinete de Prensa 18 Xuño, 2021

Case 40 clases de cervexa ao alcance de calquera que se achegue ao Parque da Palma entre o vindeiro xoves, 24 de xuño, e o domingo, 27. Tal é a promesa de a I Feria da Cervexa Artesana de Baiona “ A Pinta”, organizada polo Concello de Baiona, a través da Concellaría de Cultura, e a Asociación Galega de Cervexeiros Artesáns.

Unha celebración da cervexa de autor que, na súa primeira edición, converterá á localidade en punto de encontro entre afeccionados e produtores. Artesáns chegados sobre todo da provincia de Pontevedra e desde diferentes partes de Galicia e algún invitado de fóra terán instaladas estes días as súas casetas na Palma.

A feira é de acceso gratuíto na que tamén se ubicarán distintos foodtrucks que ofrezan ao público variadas opcións culinarias.

A Concelleira de Cultura, Miriam Costas Iriarte, sinala que se trata dun evento seguro xa que se disporá dun protocolo anti covid con todas as medidas de seguridade: control da temperatura na entrada do recinto, xel desinfectante, entradas e saídas separadas, distancia entre mesas e desinfección das mesmas , aforamento limitado, etc”.

“Desde o Concello de Baiona queremos por o foco en reforzar o carácter familiar da celebración. Por esta razón, esta I edición contará cunha variedade de xogos infantís dedicados a entreter aos máis pequenos e pequenas da casa. Ademais, cada xornada estará amenizada por DJ’s do ámbito local. Haberá foodtrucks, catas, charlas, talleres, sesionés “BEER-MÚ” e moita diversión con seguridade” , destaca o Alcalde, Carlos Gómez Prado.

O xoves pola tarde ás 18:00h darase o pistoletazo de saída ao festival e o evento alargarase até o domingo 27 e está prevista en horario de 12.00 a 00.00 horas. Sen dúbida, a calidade das cervexas artesás será un dos principáis alicientes para atraer ao público.

“A organización deste tipo de eventos é un alicerce básico para o desenvolvemento e a desestacionalización de Baiona. O que se pretende é romper co encasillamiento das actividades e empezar a diversificar a oferta con actividades distintas que dinamicen e desestacionalicen os 12 meses dos anos. Outra das metas é conseguir atraer público ao noso comercio e hostalaría local ”, finaliza o rexedor.

En canto ás firmas de cervexa artesá que estarán presentes no festival figuran: Cervexa TRIK-ALE de Nigrán; Cervexa Silvestres de Pontevedra; Cervexa Irmaos dá Lei, de Cangas do Morrazo; The One, Sanxenxo; Atlántica de Vigo; Castrexa, do Bierzo; Go, de Madrid.
“Todas as marcas terán prezos máis baratos que o habitual e haberá para todos os gustos: cervexa rubial tradicional, suaves ou de máis gradación”, explica Esteban Barreiro, portavoz da asociación, quen sinala que o obxectivo é “promocionar o consumo deste produto artesán nuns momentos moi difíciles para o sector debido á crise sanitaria do COVID-19, polo que máis que nunca necesitamos o apoio dos nosos consumidores habituais. Tamén o que se pretende é dar a coñecer un produto elaborado de forma artesanal e profundar en la cultura de esta bebida”.

La celebración coincidirá co desenvolvemento do I Festival de Maxia “Baiona Pinta Maxia”, que se celebrará o sábado 26 e o domingo 27 de xuño. Este evento, congregará a artistas de recoñecido prestixio dentro do ilusionismo, como Camilo Vázquez, Roberto Lolo, Meigo Rafa ou Dani Polo.