Deportes

Campionato de Natación Escolar, o domingo na Ramallosa

Gabinete de Prensa 8 Marzo, 2022

A Concellería de Deportes de Baiona organiza a undécima edición do Campionato de Natación Escolar do Val Miñor este domingo, día 13, na piscina mancomunada da Ramallosa. Participarán nenos e nenas de entre 7 e 14 anos.

A inscricións permanecen abertas ata este xoves, 10 de marzo, podendo realizarse as mesmas a través de email, deportes@baiona.gal, ou mesmo chamando por teléfono ao pavillón municipal 986.356.558 ou directamente no recinto municipal.

Ás 13:00 h está prevista a entrega de medallas e un sorteo de agasallos entre as persoas participantes.

A organización ademais, entregará trofeos conmemorativos aos primeiros clasificados de cada categoría e unha completa merenda para todas as persoas participantes e un gorro pola súa participación da marca “Area”, patrocinadora do evento.

A organización do campionato escolar de natación no Val miñor conta coas importantísimas colaboracións de Protección Civil, Area e Serviocio, que puxeron toda a súa vontade e interese para o desenvolvemento desta lúdica experiencia.

A Concellería de Deportes do Concello de Baiona organiza a undécima edición do Campionato de Natación Escolar do Val Miñor 2022 en colaboración coa Secretaría Xeral para o Deporte da Xunta de Galicia, Mancomunidade do Val Miñor e Serviocio. Trátase dun campionato agrupado dentro da programa Xogade da Xunta de Galicia.

Os participantes por categoría serán: Prebenjamines (15 -14); Benjamines (13 – 12), Alevíns (11 – 10) e infantís (09 – 08).

As probas e horarios a desenvolver son:

• 25 metros Crol e 25 metros costas para Pre benjamines.
• 25 metros Crol e 25 metros costas para Benjamins.
• 50 metros Crol e 50 metros costas para Alevíns.
• 50 metros Crol e 50 metros costas para Infantís.

Máis información no Pavillón de Departes Municipal de Baiona ou chamando ao teléfono 986 35 65 58, tamén se dispón de email: deportes@baiona.gal