Uncategorized @gl

O Concello de Baiona saca a concurso os postos baleiros da Praza de Abastos a uns prezos moi alcanzables

Gabinete de Prensa 26 Outubro, 2023

Despois de cinco anos, desde 2018, o Concello de Baiona, a través da Concellería de Mercados e Comercio, iniciou un novo procedemento para a concesión dos nove postos baleiros do Mercado Municipal de Abastos de Baiona.

Os postos para ocupar son cinco peixarías, e outro catro inicialmente dedicados a charcutería, carnicería, frutería e florería, aínda que poderán ofrecer calquera outro tipo de produto compatible coas características do mesmo. Unicamente condiciónase a actividade nos casos da venda de peixe pola distribución e equipamento específico das bancadas.

O prezo do contrato ascende 12.359, 55 euros para cada un dos postos das zonas A, e B; e 888,51 euros para os postos da zona C, mínimos que poderá ser mellorado á alza polos licitadores. A diferenza de prezos radica nos metros dos establecementos. As condicións de pago son flexibles, este canon poderanse desembolsar de dúas formas, dunha soa vez ao comezo da o concesión, ou de forma semestral, en xaneiro e xullo.Prazo de execución: 20 anos, prorrogables por un período máximo de 5 anos.

As persoas poderán presentar as súas ofertas ata o 22 de novembro.

Na actualidade, está ocupados 6 postos por: unha peixaría, unha charcutería-quesería e delicatessen, unha carnicería, un establecemento de froitas e produtos ecolóxicos, un posto de tortas e viños, e un restuarante-cafetería.

O Alcalde de Baiona, Jesús Vázquez Almuiña, destaca que “A realización de actividades e cursos no baixo da edificación coñecido como centro multiusos “Ángel Bedriñana” así como do espírito dos placeiros e placeras que actualmente están a explotar a Praza e a zona de restauración na que está situado o restaurante-cafetería, fan da praza un lugar de comercio activo, mercado de proximidade e punto de encontro, ideal para apostar por na boa oportunidade para que as persoas emprendedoras anímanse a iniciar un novo negocio en Baiona”.

O rexedor finaliza comentando que “A calidade dos produtos mantense aos ofrecidos en tempos pasado e a actividade modernizouse, con decoración e uniformes homoxéneos para ofrecer unha imaxe de marca aos consumidores, e coa instalación do resturante-cafetería no interior logrouse dinamizar o mercado como espazo de encontro social, seguindo a tendencia de numerosos mercados coñecidos a nivel nacional”.

A continuación, pode coñecer o anuncio da licitación do contrato de concesión de dominio público de nove postos de venda no Mercado Municipal de Abastos de Baiona: